Report ni: Tita Jen Palomo Debaja
Pinay Sa HK plano pasakaan sang reklamo ang ex-employer nga nag tampalas sang iya dignidad paagi sa pagpaskil sang “wanted banner “.
Nakit-an ang tarpaulin nga nagakabit sa isa ka public road sa HK kon sa diin nakabalandra ang lifesize nga litrato sang isa ka pinay kag ang gina sukot nga kantidad nga nagabalor HK$50,000 sang amo sini.
Base sa balita nga nabalhag sa The Sun, 2015 sang gin hire si Reylyn sang iya employer nga si Ms.Li kag sa iya ihibalo hatag sang ama ang $20,000 dollars bilang “present” or bonus matapos ang isa ka tuig sini nga serbisyo.
Nag bag-o ang desisyon sang amo sini sang ginhire ang iya mister sa Macau sang pakaisa ni Ms. Li nga wala man nagdugay kag nagpauli ini sa pinas. Gulpi na ginsiling sang amo nga pabayran na ang $20,000 nga subong base sa naka sulat sa tarpaulin naglab-ot na sa $50,000.
Sa karun nahukas na ang tarpaulin matapos nakontak sang The Sun Si Reylyn nga yara sa La Union upod ang iya pamilya.
Pahayag sang Pinay, “Masamang-masama ang loob ko, di ako nakatulog at di nakakain sa kahihiyan. Gusto kong magsampa ng reklamo sa ginawa nila, kasi alam naman nila ang email at address ko na doon sana nila ako kontakin”.
Nakig angot naman si Reylyn sa POLO Philippine Overseas Labor Office agud mapa idalom sa watchlist sang konsulado ang ex employer sini.
pa ni Reylyn, naakig pa gid si Ms.Li sang nagreklamo ang pinay sa POLO office nga gina paobra ini sang construction jobs sang mag pa renovate sang ila balay sa Cheung Chau kg isa pa gid ka flat sa Shatin apisar nag hire man sang trabahante halin sa China ang amo. May mga litrato ini nga naga pamatuod sang pag paobra sa iya.
Magluwas sa reklamo ni Reylen sa POLO ginhagad man siya sang amo nga mag upod sa ila trip sa Japan apang tungod siya ang mabayad sa ticket kag iban pa nga expenses, namalibad ini nga mag upod.
Pahayag pa gid ni Reylyn gina deduct na sa sweldo sini ang installment nga nakasugtan nila sang amo sa nasambit nga loan bangud naakig ang mister ni Ms. Li sang nahibaluan naghatag sang $20,000 ang misis sa pinay.
Setyembre 2, 2018 sang tungang gab-i, gulpi lang ini gin terminate sang amo gani nag padulong naman sa POLO agud ereklamo ang indi pagpasweldo sa iya.
Dala ang computation halin sa POLO, gin tinguhaan ni Reylyn nga maestorya ang mga amo apang imbis makig kita sila sa iya, nagpauli ang mga ini sa China.
Wala sang intensyon ang pinay nga panaguan ang ex employer ,apang tungod gin terminate ini, kinahanglan niya magpauli sa pinas apang bayaran man sini ang balanse kon makabalik na sa HongKong
