HINIGARAN, NEGROS OCCIDENTAL – Duha na naman ka mga lalaki ang naigo sang kilat kahapon sang hapon sa banwa sang Hinigaran.
Isa sa mga biktima ang nakilala kay Jimboy Domecillo, 21 anyos ang edad, pumuluyo sang banwa sang Binalbagan, samtang wala naman nahingadlan ang isa.
Suno sa imbestigasyon, pasado las 4 kahapon sang hapon sa Brgy. Quiwi, Hinigaran ang mga biktima ang nagpasilong bangud nga nagtupa ang ulan.
Apang, hinali naman nga nagpangilat gani naigo ang mga biktima kag maswerte nga minor injury gid lamang ang ila naangkon.
Sa karon ang mga biktima ang padayon confined sa Corazon Locsin Montelibano Memorial Regional Hospital./dyHB BACOLOD
Facebook Comments
