VALLADOLID, NEGROS OCCIDENTAL – Padayon karon nga ginabulong sa opsital ang isa ka teenager nga babayi nga naigo sang kilat kahapon sang hapon sa banwa sang Valladolid.
Ang biktima nga nakilala kay Trisha Mae Eguana, 12 anyos, pumuluyo sang Brgy. Sagwa, Valladolid ang nag-angkon sang paso sa iya lawas matapos nga naigo sang kilat may mga las 4:30 kahapon sang hapon sa gwa man lamang mismo sang ila balay.
Suno sa report, ginsugo sang iya iloy ang biktima nga maghaboy sang basura sa likod sang ila balay, apang hinali na lamang nga nagkilat kag ini ang naigo.
Dali dali nga gindala sa Corazon Locsin Montelibano Memorial Regional Hospital ang biktima kag padayon karon nga gina-treat ang mga paso nga iya naangkon. /dyHB BACOLOD
Facebook Comments
