Nakugang ang mga residente sa Sitio Kamansi, Barangay Pajo, Lapu Lapu City sa dihang nakaplagan ang usa ka infant o bag-ong tawo nga bata nga gilabay sa dagat.
Usa ka Vilma Toring, head sa Neighborhood Association sa maong sitio, ang unang nakakaplag sa bata nga naghilak samtang gibitad sa libud-suroy nga iro ang panapton nga gipustan niini.
Suma pa ni Vilma nga wa maunlod ang bata sa dagat tungod kay nagpatong ni sa naglutaw nga mga basura. Gi-condemn sa mga residente sa maong lugar ang maong pag-abandona sa bata. Naa pa gane daw ang pinutlan sa pusod sa bata sa dihang nakaplagan kini.
Gidali rapud dayon og dala sa hospital ang maong bata para maatiman. Ug suma pa sa pinaka-latest nga report, nailhan na sa mga owtoridad ang inahan sa bata nga nagpangedaron pa intawn og 16 anyos.
Unsa may inyong reaksyon ani nga panghitabo idol?
Photo source gikan sa Superbalita Cebu nga official fb page.
