General Santos City–Nailhan na sa Tambler Police Station General Santos ang usa sa mga suspek nga mipusil patay sa biktimang giilang si Junemar Sabatin, 19-anyos, og pagkaangol sa kauban niining giilang si Arvic Taruc, 25-anyos, nga parihong mga residente sa Barangay Calumpang Gensan.
Matud pa kang Tambler Police Station Commander Police Senior Inspector Davis Dulawan nga gunit na nila karon ang pamahayag sa witness nga makatudlo og nakaila sa mga mipusil patay sa biktima.
Gani pamatuod niini pipila ka adlaw gikan karon mamahimo na nilang mapasaka ang kaso ngadto sa korte batok sa mga suspek.
Dugang pa ni PSI Dulawan nga pagpanimalos ang nahitabo ngadto sa mga biktima sa mga nakaaway nilang mga laing grupo sa mga gibansagang mga batang sukarap.
Pamatuod usab niini nga kadtong gipusil patay sa area of responsibility sa Purok 20 Barangay Fatima kaniadtong milabayng adlawng Dominggo nga silang Joel Abapo og Jake Manduras Asoque ang may pending kaso kining murder sa Tambler PNP human mapatay niini ang kalaban kaniadtong milabayng Pebrero 11, 2017.
Aminado ang hepe sa Tambler PNP nga problima nila karon ang pagsiaw sa mga batang sukarap o mga Children In Conflict with law. (Emir Bariquit)
