BACOLOD CITY – Dismayado ang isa ka lalaki matapos nga gindalagan sang suspek ang kwarta nga iya kuntani inug-bayad sa babayi nga iya ginkuha sa public plaza sang Bacolod sini gid lamang nga kaagahon.
Ang biktima nga si Diarey Dimson, 24 anyos ang edad, pumuluyo sang Brgy. Napoles, Bago City ang nagpadulong sa Police Station 1 agud magpa-blotter kag mag-reklamo nga pasado las 4 sini gid lamang na kaagahon ini siya ang na into-an sang isa ka lalaki sa plaza.
Nabutang sa blotter entry sang Police Station 1 nga nagsiling si Diarey nga nagkadto siya sa plaza, sa atubang sang isa ka kilala nga food chain sa dalan Gatuslao agud magpangita sang “bugaw” bangud plano niya nga magkuha sang chika.
Apang, may isa ka lalaki nga nagpalapit sa iya kag nagsiling nga may “chicks” ini siya nga igatanyag sa presyo nga P500.
Dali-dali man nga nagkuot sa iya bulsa sang kwarta ang biktima kag ginduhol sa suspek apang naglakat ang nagpakilala bugaw, wala na nakabalik, gindagit pa ang iya 500 pesos.
Bangud sini, nagpauli nga “luhaan” ang biktima kay man imbes mag-happy happy, nadali pa ang iya ginsupot supot nga P500./ Web Photo
