Nakabingkil sa lalaking napusilan-giila pa sa kapulisan

22

General Santos City–Nagpadayon sa kasamtangan ang gihimong imbistigasyon sa Police Station 1 sa nahitabong pagpamusil sa biktimang si Carlo Atol, hingkod ang naguigon nga taga Purok 9B, Tinago, Barangay South Gensan.

Una nang napusilan ang biktima sa wala pa mailhing suspek alas 11:15 ang takna sa gabie niadtong Lunes.


Nasayran nga nangaon sa arozkaldohan sa may Pedro Acharon, barangay South ang biktima diin iyang nakabangga ang suspek didto mismo sa maong lugar, tungod hubog naglalis ang biktima ug ang suspek apan dihang migawas na sa maong kan-anan ang suspek gigukod kini sa biktima , ug didto na nahitabo ang pagpamusil.

Damay ang tricycle Driver nga si Luciano Sanchez human nga naigo kini ug bala nga maoy gigamit sa suspek ngadto sa biktima. samad sa kumagko ang naangkon sa nasampit kansa gidala sa ospital human sa insidenti.

Samtang ang biktimang si Atol ang gidala usab sa dr, Jorge Royeca Hospital apan gibalhin sa St. Elizabeth Hospital. Nasayran nga nakaangkon ug samad sa iyang lawas ang nasampit human kining gipusil sa suspek gamit ang kalibre 45 nga armas.

Sa karon ginasuta pa sa kapulisan ang mga establishementong anaa sa palibot sa Crime Scene sa pamasin nga nakuhaan ug footage ang insidenti ug aron nga mailhan ang suspe sa krimen.

Facebook Comments

From Advertisers