BACOLOD CITY – Nagdagun-dagon sa istasyon sang pulis ang isa ka ginang agud ipa-record ang tag-iya sang isa ka fruit stand matapos nga ini siya ang nakadanlog sa ginbutang sini nga steel mat kagab-i sa Bacolod Central Market.
Ang tagreklamo ginkilala kay Elvira Magbanua, 58 anyos ang edad, pumuluyo sang Villa Soledad, Bacolod City.
Suno kay Elvira nga may mga las 7:45 kagab-i sa dalan Burgos Bonifacio sa area sang Central Market, ini siya ang naglabay sa prutasan.
Apang sa pag-agi niya sini sa atubang sang fruit stand nga ginapanag-iyahan sang nakilala lang kay Josmar, ini siya ang nakadanlog sa ginbutang sini nga steel mat.
Ini ang nagresulta sa pagkasamad sang biktima sa iya ulo kag guya.
Reklamo pa sang babayi nga wala gid siya ginbuligan sang tag-iya sang prutasan, tig-aylo ang isa pa ka garbage collector amo ang nagpatindog sa iya sang ini ang natumba./ Mr. Lim contributed photo
