General Santos City–Hingpit ng nakagawas sa prisohan ang usa sa mga igsuon ni Najib Pundog kansa napatay nga taas nga lider sa Maute-ISIS group nga si Nafah Pundog nga una ng gisikop sa kapulisan atol sa operasyon sa milabay’ng Hulyo 16 sa zone 3, blk 4, Barangay Fatima.
kagahapong adlawa gipagawas ang release order ni Nafah Pundog nga pinirmahan ni executive judge marie ellengrind baliguat human kining nakapyansa ug P36,000.00.
Kahibaluan nga si Nafah Pundog ang nag-atubang ug kasong obstruction of justice human makit-an sa ilahang panimalay ang gika-ingong top 2 man sa bag-ong organize nga Maute-ISIS nga si Najib Pundog.
Samtang sa karon, nagpabilin pa sa kustudiya sa Police Station 7 ang asawa ni Abu Dar nga gika-ingong bag-ong lider sa Maute-ISIS.
Anaa pa usab sa maong lugar ang simba tank sa Joint Task Force Gensan aron sa paghatag ug dugang siguridad gumikan sa posibleng pagresbak o pagrescue sa grupo ni Abu Dar sa iyahang asawa.
Nauna na usab nga gipaniguro sa kapulisan ug militar nga andam sila kanunay sa unsa mang posibleng lakang nga himuon sa maong grupo.
