TALISAY CITY, NEGROS OCCIDENTAL – Gindangat sa ospital ang duha ka mga lalaki nga nabunggu-an sang van sang isa ka hotel sa Bacolod sini gid lamang nga aga sa area sang Access Road sa Talisay City.
Nakilala ang mga biktima nga sandasy Edgar Panes, 74 anyos ang edad, driver sang tricycle kag pumuluyo sang Had. Sta.Maria, Brgy. Zone 15, Talisay City subong man si Hernanie Dullar, 50 anyos, pumuluyo man sang amo nga barangay.
Samtang ginkilala naman ang driver sang van nga si Paul Pentillo, 35 anyos ang edad, residente sang Brgy. Tangub, Bacolod City.
Suno sa imbestigasyon ang insidente natabo may mga las 8:30 sini gid lamang nga aga kon diin ang amo nga van ang naghalin sa dalan Lacson kag nagliko sa access road padulong kuntani sa New Bacolod Silay Airport agud may sugaton.
Apang sa iya pag-abot sa area sang access road, aksidente niya nga nabunggu-an ang naka-park nga tricycle sa higad sang dalan.
Nahibaluan nga ang biktima nga si Panes ang nagpundo sa dalan matapos iya nakita nya ang iya amugo nga si Hernanie nga nagapanghilamon kag ini sila ang naga-sugilanon sang natabo ang insidente.
Ang duha ka mga biktima lunsay karon ginabulong sa isa ka pribado nga ospital sa ciudad sang Bacolod./DYHB NEWSROOM
