General Santos City–Patay nang nakaplagan ang usa ka ginang nga nailang si Mary Grace Tahol, 35, residenti sa Purok P.I-16, Barangay City Heights Gensan kansa dunay samad tinigbasan sa ulo ug sa uban pang parti sa kalawasan alas 8:00 ang takna kaganinang buntag.
Nasayran nga una nang nakaplagan ang patayng lawas sa biktima nga nag-ubo sa bakanting luna likod nga bahin sa Mindanao Medical center sakop sa Barangay City Heights.
Gituohang bandang kaadlawon pa gipatay sa wala mailhing suspek ang biktima sa maong lugar.
Sumala sa inahan sa biktima nga si Mary Grace adunay deperensya sa panghuna-huna human nadaot matud pa sa iligal nga druga.
Duna kini mga anak sa managlahing lalaki. Nasayran nga pila na ka higayon kining girescue sa Barangay human nga dala-dalahon niini ang iyang anak nga magsige ug latagaw sa barangay City Heights matag kaadlawon.
Read More: rmn.ph/dxmd927gensan/ rmn.ph
