BACOLOD CITY – Nagdangat sa kabug-usan nga P340 mil pesos ang ginbayad nga piyansa sang ginakabig notorious hold-up suspek nga si Johnny Villarete, antes nga ini siya ang na-release sa prisohan.
Si Villarete ang nadakpan sadtong Martes, January 16 sa Bangga Adams, Brgy. Bata pinaagi man sa warrant of arrest sa kaso nga violation sang Section 11 sang Republic Act 9165.
Una nga nagbayad sang P240 mil pesos nga piyansa si Villarete apang sang ini ang manug-gwa na, liwat ini nga ginserbihan sang warrant of arrest sa isa pa gid niya ka kaso.
Bangud sini, nagbayad liwat sang dugang nga P100 mil pesos nga piyansa ang suspek gani ini ang gin-release gid man sa detention kag nahilway na kahapon.
Si Villarete ang ginasiling anay miembro sang grupo ni Aki Cuadra kag Rondoy Hold-up Group nga amo ang nagapang-biktima sang mga taxi drivers sa Bacolod lakip na sang isa ka restobar sa Villamonte sang nakaligad nga hugot naman gina-deny sang suspek.
