BACOLOD CITY – Ginpahapa sa higad sang dalan ang duha ka mga ginasiling suspicious looking persons matapos nga ila nasagaid ang isa ka taxi nga ginamaneho ni Ronie Habagat.
Nakilala ang duha nga sanday BM Maravilla, 33 anyos kag Philip Rivera, mga call center agents nga pumoloyo sang Barangay Alijis.
Pasado las singko sang hapon sang ila nasagairan ang isa ka taxi, sang ila nga motor halin sa dalan San Juan padulong kon tani sa North Capitol Road.
May nagasunod nga nagpakilala pulis nga nagauyat sang armas sakay sa pick-up nga amu naman ang nagpahapa sa ila, sa pagpati nga ang mga ini inbolbado sa kremin bangod nga madasig ang padalagan sang bisan pa nga gutok ang lugar kag intersection.
Matapos nga ginbaklid kag ginpahapa, ginpatawagan ini sang Station 2 kag ginpahigad bangod kay nagtuga sila sang magutok nga trapiko sa lugar.
Ang duha ang nagpabutyag sa interview sang dyHB nga naghappy happy sa Diotay’s Restaurant matapos ang ila nga duty kaina.
Si Maravilla ang nagserbe driver sang motor samtang si Rivera ang tag-iya kag angkas.
Wala na naman sila ginlagas sang driver sang taxi bangod indi man gid dako ang ila damage.
Gin-inbita lang sila sang Station 2 para sa dugang nga pagpangusisa. / Larry Trinidad photos/ DYHB RMN
