Taliwala sa hulga, gira ug mga pagpang harass ang Alternative Learning Center for Agricultural Development (ALCADEV), padayun sa gihapon pag serbisyo alang sa edukasyun sa mga Lumad.
Daghan na kini natabangan nga mga Kabataang Lumad matagaan sa edukasyun ilabina sa mga hilit nga lugar sa Surigao del Sur.
Kini bisan pa man sa alegasyun nga gihimo kining front sa walhong kalihukan, pagkondisyun sa huna huna sa mga batan-on diha sa doktrina sa kumunismo, butang nga hugot gihimakak sa mga nagdumala sa ALCADEV.
Apan sa kanahin sa gobierno ug sa Department of Education, Kinahanglan sumala pa nga mapa-ubos sa regulasyon sa Department of Education (DEPED) ang ALCADEV ug TRIFPPS, isip alternatibong tulunghaan sa mga lumad sa kabukiran.
Gipasabot ni Ariel Cinco, information officer sa DEPED Caraga nga alang sa kaayuhan sa mga estudyante sa ALCADEV ug TRIFPPS kung mapaubos sa DEPED ang ilang curriculum aron magamit ang ilang kahinlao alang sa pagpanarbaho sa umaabot nga panahon.
Dugang pa nga ubos sa regulasyon sa DEPED ang tanang mga alternative learning institution sama sa ALCADEV ug TRIFPPS.
Sa karon nagpadayon pa ang dayalogo tali sa grupo sa mga lumad ug ni Sec. Leonor Briones.
Apan alang kang Bishop Modesto Villasanta, sa UCCP nga pasagdahan nalang sa goberno kung unsay gusto sa mga lumad nga dili magpailalum sa regulasyon sa DEPED…
Sent from my Samsung Galaxy smartphone.
