BACOLOD CITY – Love triangle ang isa sa ginapatihan nga motibo sang pamilya sang biktima nga gintiro patay sang riding-in tandem las 11:20 kagab-i sa gwa sang isa ka balaligyaan sa Goldenfieds Commercial Complex, Bacolod City.
Nakilala ang biktima nga si Jeffrey Abendan, 41 anyos ang edad, pumuluyo sang Purok Sunflower, Brgy. Taculing, ciudad sang Bacolod.
Base sa imbestigasyon sang Police Station 8, ang biktima ang nagsulod sa isa ka baligyaan sang pizza agud nga magbakal upod ang isa ka babayi nga ginapatihan girlfriend niya sini.
Sang ini sila ang nagabantay na sang taxi kag sang buot na nga magsakay, nagpalapit ang suspek kag hinali na gid lamang nga gintiro ang biktima sang isa sa mga nagasakay sa motorsiklo.
Dead on the spot si Abendan bangud man sang duha ka igo sang bala sa iya ulo kag sa idalum sang iya tuo nga ilok.
Nahibaluan nga si Jeffrey ang isa ka anay OFW, bulag sa asawa kag may duha ka mga kabataaan, kag ginasiling may gina-upod upod sa karon nga isa ka nurse nga separada man sa iya bana.
Suno sa mga nakakita sang insidente, ang duha ka mga suspek ang naga jacket sang itom kag kalo kag nagasakay sa itom nga motorsiklo.
KON IKAW PAHAMBALON, MAKATARUNGAN BALA ANG PAGPATAY SA LALAKI NGA NAKIGRELASYON SA BABAYE NGA SEPARADO MAN SA BANA?
