BACOLOD CITY – Gin-claim na sang iya pamilya ang biktima nga gintiro patay sadtong nagligad nga Lunes, February 26 sa Bag-ong Dalan, Purok Neptune, Brgy. Singcang Airport, Bacolod City.
Ang biktima nga damlag pa gintawag lamang nga si Alias Bugris amo si Joeven Villarimo, 26 anyos ang edad kag pumuluyo sang Brgy. Guiljungan, Cauayan.
Suno kay Police Station 8 commander Police S/Insp. Ruel Culanag, mismo ang ginikanan sang biktima ang nagpadulong sa punerarya nga gindal-an kay Villarimo ang gin-identify ang biktima.
Madumduman nga may mga la 1:30 sang kaagahon sadtong Lunes sang gintiro ang biktima sang 4 ka mga suspek samtang nga ini sila ang nagalantaw hampang na tumbo sa atubang sang isa ka tiyange.
Wala labot kay Villarimo, natiruhan man sa amo nga insiente si Raffy Cardenias, 35 anyos ang edad kag pumuluyo sang amo nga lugar nga nag-angon sang pilas kag ginbulong sa ospital.
Isa sa ginalantaw karon nga motibo amo ang posible transaksyon angut sa illegal nga druga bangud base sa panuaron sang pila sa mga nakakilala kay Bugris, ini siya ang involved sa illegal drugs kag sadto nakaagi na priso./dyHB BACOLOD
