HIMAMAYLAN CITY – Nakuha na sang doktor ang P5 ka pesos nga coin nga natulon sang 6 anyos nga bata nga si Hopia Edgan sang Barangay San Antonio, Himamaylan City.
Suno sa amay sini nga Jojo Edgan, pasado alas 11:30 kaina sang aga ginkimpit sang doktor ang P5 pesos nga coin nga nagbalabag sa tutonlan sang bata.
Madumduman nga ginsugo sang iya ginikanan si Hopia nga magbakal sang ice sa kaingod nila balay, apang nagbalik ini kay naubos na.
Samtang nagalakat , ginbutang sini sa iya baba ang lima ka pesos pero aksidente ini nga nakadasma, kabangdanan nga nagsulod sa iya baba ang kuarta.
Una ini nga gindala sa Himamaylan City District Hospital apang gintransfer ini pasado alas 11 Sabado sang gab-i sa Regional Hospital.
Sa pinakaulihi nga X-Ray nakita ang P5 pesos nga coin nga nagabalabag sa iya tutonlan apang makaligad ang 24 oras madinalag-on nga nakuha sang doktor ang nasambit nga kuarta.
Sa karon nagapaayo-ayo pa sa ospital ang bata. / Not the actual photo
