General Santos City—Patay nang nakaplagan ang usa ka sikad driver nga si Danilo Labadia Sr. 53, sulod mismo sa iyang gipuy-an sa may Barangay Bula Gensan alas 9:00 pasado ang takna kaganinang buntag.
Sumala sa anak niining si Danilo Labadia Jr., kansa maoy nakakita sa patayng lawas sa iyang amahan nga adlawng Domingo dihang uwahi niyang nakit-an ang iyang amahan human nga nag-inum pa silang duha dungan sa pag tan-aw ug laban ni Sen. Manny Pacquiao batok kang Lucas Matthysse.
Human sa dula miuli matud pa ang iyang amahan sa gipuy-an niini., sukad niadto, wala na nila makit-an pa ang biktima.
Tungod niini ganinang buntag iya kining giadto sa balay niini ug didto iyang nakaplagan ang patayng lawas sa iyang amahan nga anaa na sa state of decomposition.
Giangkon ni Danilo Labadia Jr. nga dunay gihambin nga sakit nga Diabetes ang iyang amahan.
