Dul-an sa 69 milyones pesos ang pagsaka sa nakolekta nga revenue sa syudad sa tuig 2019 kung itandi sa tuig 2018.
Basi sa datos, gikan ni Maam Jasmin Maagad ang Acting City Treasurer nga mikabat sa kapin 661-million pesos ang nakolekta nga revenue sa syudad sa tuig 2019.
Samtang mikabat lamang sa dul-an 600-million pesos ang revenue sa syudad niadtong tuig 2018.
Nasuta nga mikabat usab sa kapin 15,600 nga mga negosyante ang nag renew sa ilang business permit sa City Treasurer’s Office gikan sa kaniadto 15,900 nga nag renew sa ilang business permit.
Dugang pa nga sa kapin 15,600 nga mga nagkuha og business permit, kapin 900 niini mga bag-ong negosyante.
Mahinumduman nga gitakda sa City Treasurer’s office ang extension sa renewal sa business permit kutob sa katapusang adlaw sa bulan sa Enero.
Kini nagpasabot nga kadtong mga wala naka-apas sa extension sa deadline nga mga negosyante ang mag atubang sa 25% penalty ug 2% nga surcharge.
