General Santos City—Mukabat sa 20 ka sakong uling ang nakumpiska sa kapulisan nga sakop sa Malapatan, Municipal Police Station sa baybayon nga bahin nga sakop sa Barangay Lun Masla, Malapatan, Sarangani Province niadtong nakalabayng adlaw.
Una nang nakadawat ug report ang Malapatan Municipal Police Station nga matud pa adunay naghatud ug uling sa baybayon nga bahin sa maong Barangay mga alas 7:00 sa gabie.
Gilayon nga girespondihan sa kapulisan ang maong lugar ug didto nakit-an ang mga sinakong uling.
Gidudahan nga gikatakdang dad-on sa Gensan ang maong mga uling aron nga ibaligya. Sa karon padayon pang ginasuta sa kapulisan kung si kinsa ang nanag-iya sa maong uling.
(Photo From Web)
Facebook Comments
