BACOLOD CITY – Gindala sa ospital ang isa ka dalaga matapos nga ini siya ang ginlampusan sang bato samtang nga nagahampang sang bingo kahapon sang hapon sa Brgy. 12, Bacolod City.
Ang biktima nakilala kay Criselda Canillada, 32 anyos ang edad, single kag pumuluyo sang Purok Malipayon, Brgy. 12 ciudad sang Bacolod.
Suno sa biktima nga may mga las 5:45 kahapon sang hapon, samtang nga ini siya ang nagahampang sang bingo sa ila man lang lugar, hinali na lamang ini nga ginlampusan sang bato sang wala ginhingadlan nga suspek.
Nag-angkon sang pilas sa iya agtang ang biktima bangud sang amo nga pagpanglampus sang bato sa iya.
Dali-dali nga gindala sa Corazon Locsin Montelibano Memorial Regional Hospital ang biktima agud nga mabulong ang napilasan sini nga agtang./dyHB BACOLOD
