General Santos City—Nakumpiska sa kapulisan nga sakop sa City Mobile Force Company ang mukabat sa 25 ka sakong uling nga gikarga sa usa ka pick-up nga sakyanan sa Check point sa Barangay Buayan, Gensan, alas 5:30 ang takna sa hapon, kagahapong adlawa, June 25, 2018.
Sa inisyal nga imbistigasyon sa kapulisan ang maong mga uling gipanag-iyahan sa usa ka Jay Cesar Hortillano, nga taga PC Reservation, Camp Firmen Lira.
Nasayran nga walay igong dukumento ang maong mga uling mao nga gikumpiska sa kapulisan.
Gikaingong gikan sa Barangay Baluntay, Alabel, Sarangani Province ang maong mga uling ug gikatakda untang dad-on sa balay ni Hortillano.
Sa karon anaa sa kustudiya sa Police Station 3 ang mga sinakong uling ug gikatakda na kining iturn-over ngadto sa buhatan sa DENR-12.
