Report ni: Tita Jen Palomo Debaja
Nakaandan na sang isa ka teen edyer sa Hanoi Vietnam ang ihulid nga naga charge ang iya smartphone kada gab e antis ini magtulog. Sa masubo nga palad wala gd gin ekspektar sang pamilya sini nga ang naka charge nga gadget amuman ang nangin kabangdanan sa pagkadula sang dalagita.
Ginkilala ang biktima kay Le Thi Xoan , 14 anyos sang Hanoi Vietnam.Nadiskubre sang iya iloy nga wala sang pangalibutan ang iya anak isa ka aga nga gin pukaw niya ini. Sa kahangawa sang iloy dali dali nila nga gindala ang iya anak sa ospital nga gin deklarar dead on arrival sang attending physician.
Sa resulta sang autopsy sa iya bangkay nahibaluan nga electric shock ang kabangdanan sang kamatayon sini.
Tungod wala sang ideya ang pamilya sa natabu , nag pangusisa sila sa kwarto sang biktima kg amuna gid lang ang pagka sorpresa nila sa nakita.Naga angut pa sa charger ang smartphone nga nahamtang sa sa ulunan sa edalum sang bedsheet sang dalagita. Sunog ang charger kag amuman ang edalum nga parti sang smartphone.
Ginkumpirmar man sang Hanoi police nga electrocution ang kabangdanan sa pagkapatay sang dalagita.
