BACOLOD CITY – Patay man ang isa ka construction worker matapos nga ini siya ang nakoryente kahapon sang aga sa isa ka balay sa Celine Homes, Brgy. Estefania, Bacolod City.
Nakilala ang biktima nga si Sunnyboy Morana, 39 anyos ang edad, tumandok sang Brgy. Tuyom banwa sang Cauayan.
Base sa imbestigasyon, may mga las 8:35 kahapon sang aga sa Block 4, Celine Homes, ang biktima ang naga-obra sa second floor sang puluy-an nga ginapanag-iyahan sang pamilya Perulino.
Apang samtang naga-trabaho, aksidente nga nahikapan sang biktima ang livewire sang CENECO gani ini ang nakoryente.
Suno sa tag-iya sang balay nga una sila nakabati sang may naglupok kag sang ila ginlantaw, didto kag ila nakita nga natumba na ang biktima gani dali-dali sila nga nagtawag sang rescue.
Gindala pa sa Corazon Locsin Monteibano Memorial Regional Hospital ang biktima apang ini ang gin-declare dead on arrival./Assam Talks graphics
