LA CARLOTA CITY, NEGROS OCCIDENTAL – Brutal ang itsura sang lawas ang isa ka police trainee matapos naaksidente kag nalapakan ang tyan sang pang-ulihi nga reda sang nagasugata nga truck nga may karga sang tubo mg alas 9:20 kagab-i sa National Highway sa Brgy. La Granja, La Carlota City.
Nakilala ang biktima nga si PO1 Rowell Baluyot, 25 anyos ang edad, pumuluyo sang Purok 4, Brgy. La Granja, ciudad sang La Carlota kag isa ka police trainee sang PRO 6 Class Kampilan nga assigned sa Bago City.
Base sa investigation sang La Carlota City Police Station, mga las 9 kagab-i sang ang biktima nga si Baluyot ang buot na kuntani nga magpauli sa ila balay sang aksidente ini sila nga nagsaga-iday sang isa pa gid ka motor.
Ang amo nga motor ang gina-maneho naman ni Erwin Galon, 27 anyos, residente sang Brgy. Haguimit, La Carlota City kag isa ka konduktor sang LCC bus nga nagabiyahe Bacolod-La Carlota.
Suno kay Galon nga sa pag-abot sa highway, nagtupungay ang ila motor sang biktima kag aksidente nga nagsaga-iray ang ila manibela rason nga natumba ang motor ni Baluyot kag nagtupa ini sa pihak nga lane.
Halos tatlo ka minutos matapos sini, naglabay naman ang nagapadulhog nga truck nga may karga nga tubo sa iya ensakto nga lane ukon sa direksyon sang biktima gani ini siya ang nadalasa kag natapakan gid.
Sang iya ang hitabo, ini siya ang nagpabalo sa mga kakilala sa palibot nga nagpauli ini sa ila balay, kag handa man nga magsurender pagkaaga. Sang ginkadtuan sang mga otoridad gilayon man ini sya nag-upod.
Ang truck ang ginamaneho ni Romulo Pedro, 49 anyos ang edad, residente sang Brgy. Masulog, banwa sang La Castellana.
Suno kay Romulo, mga pito na sya katuig nga nagadrive sang trak kag subong lang sya naaksidente.
Sa iya pagdulhog, ulihi nya nalang namutikan nga may nagakayaon nga tawo sa dalan. Iya pa ini ginlikawan apang bangod kay dululhugon, nalab-ot gid sang pang-ulihi nga reda ang tyan sang pulis.
Wala ini sya gilayon nagpakita para sa iya seguridad, kag pagkaaga na nagpasugat sa pulis para magsungka.
Gindala pa sa Don Salvador Benedicto Memorial District Hospital sa La Carlota City si Baluyot apang ini siya ang gin-pronounce dead on arrival sang attending physician.
Sa karon ang driver sang truck kag sang motorsiklo ang detained na sa custodial facility sang La Carlota Police Station./ DYHB-RMN Photo
