NALAPAKAN SANG TRUCK | Driver sang motorsiklo patay matapos nalapakan sang truck sa Cabatuan

Cabatuan , Iloilo- Gindeklara nga dead on arrival sa hospital si Domingo Ocaban, 50 anyos sang Tabuc-Suba, Barotac Nuevo matapos nalapakan sang 6-wheeler truck sa Brgy. Gines Patag, Cabatuan, Iloilo.

Santo sa inisyal nga imbestigasyon , padulong sa Janiuay ang mga salakyan sa diin , nagasunod ang motorsiklo ni Ocaban sa truck nga ginamanehar ni alyas Rene .

Ginpahayag ni PSI Sullen Domingo sang Cabatuan PNP nga nag-overtake ang biktima apang bangud lutakon kag padayon pa nga ginakay-o ang tuo nga bahin sang karsada, nakadanlog ang motorsiklo ni Ocaban kag natumba.


Dugang pa ni Domingo nga posible wala nakapangaman ang driver sang truck rason nga iya nalapakan ang biktima kag nag-angkon sang head and chest trauma nag gintunaan sang iya kamatayon.

Padayon naman ang hot pursuit operation sang kapulisan agud madakpan ang suspetsado kag ang upod niya nga helper.

(c) Lara Ice

Facebook Comments