General Santos City – Mibati og sagol nga emosyon ang pamilya sa 16 anyos nga dalagang biktima sa pagpanglugos sa mismong bayaw tungod natagaan og hustisya ang panghitabo human mapusilan patay ang suspek gumikan misukol samtang gihimo ang pag-aresto sa Zone 1, Buayan Town Site, Barangay Buayan ning siyudad.
Matod ni Renren magulang sa 16 anyos nga dalagang biktima, nalipay sila tungod natagaan og hustisya ang nahitabo sa ilang menor de edad nga manghod bisan wala na silay ginikanan.
Dugang ni Renren nga nasakitan sad sila gumikan ang usa pa ka magulang sa biktima midapig pa didto sa kapuyo nga suspek sa krimen.
“Kanang nalipay mi kay natagaan og hustisya akong manghod kay menor de edad, wala nami ginikanan sir ba kami na lang nag-atiman sa iyaha. Sakit lang sad sa amoa kay ang among manghod (live-in partner sa suspek) nga labanan niya iyang manghod (biktima) didto pa gyud siya sa iyang lake” pagsaysay sa magulang.
Kahibaw-an nga ulahing gihilabtan sa suspek nga si Daryll Esillore alyas Along, 27 anyos ang biktimang menor de edad niadtong Agosto 6.
Apan niadtong Agosto 14 gisulayan na sab og hilabot sa suspek nga si Along ang biktima apan nidagan ang biktima ngadto sa iyang mga magulang og nisumbong dayon adto dangop sila sa kapolisan.
Nakasibat usab ang suspek kung asa miadto sa Buayan Town Site ug didto na kini naapsan sa mga pulis atol sa hot pursuit operation.
Gisugat matod pa sa suspek ang mga pulis og pabuto sa armas rason nga mibalos ang kapolisan og naigo ang suspek sa iyang kalawasan.
Gidala sa ospital ang suspetsado apan gideklarang dead on arrival sa attending physician.
Narekober sa mga pulis ang .22 caliber revolver, usa ka nibuto nga bala ug lima ka buhing bala niini ingon man ang tulo ka nibutong bala sa 9mm kauban ang cash nga 150 pesos.
Sa karon, mopasaka gihapon ang Women and Children Protection Desk og kaso batok sa suspek bisan kini nakabsan na sa iyang kinabuhi.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 117758310_410381899940693_6573348730311062704_n.jpg]
