HINOBAAN, NEGROS OCCIDENTAL – Nabiktima sang accidental firing ang isa ka balo nga lalaki sa banwa sang Hinobaan kahapon sang udto.
Nakilala ang biktima nga si Eric Villando, 36 anyos ang edad, pumuluyo sang Brgy. Damutan, Hinobaan.
Suno sa biktima nga may mga las 12 kahapon sang udto, iya sini gin-uyatan ang punta sang shotgun apang hinali na gid lamang ini nga naglupok.
Pahayag ni Villando nga nakibot siya sa natabo kag wala nakahibalo kon ngaa- gulpi na lamang nga naglupok ang amo nga armas.
Naigo sa iya tuo nga kamot ang biktima gani dali-dali ini nga gindala sa Corazon Locsin Montelibano Memorial Regional Hospital./Not the actual photo
Facebook Comments
