LA CASTELLANA, NEGROS OCCIDENTAL – Ginhingagaw pa kuntani dala sa bululngan ang isa ka bata nga biktima sang pagkalumos sa banwa sang La Castellana kahapon apang wala na ini nakasalbar pa kag ginbawian sang iya kabuhi.
Nakilala ang biktima nga si John Andrei Castillo, 10 ka tuig ang edad, pumuluyo sang Had. Baksay, Brgy. Robles, banwa sang La Castellana.
Ginpahayag sang La Castellana Police Station nga kahapon sang aga nakabaton sang tawag ang Municipal Disaster Risk Reduction Management Unit nga may bata nga nalumos sa Baksay River nga yara man nahamtang sa Brgy. Robles.
Sang nasapwan, dali-dali nga gindala sa Rural Health Unit ang biktima apang ini siya ang gindeclare dead on arrival./ Not the actual photo/
Facebook Comments
