Mambusao, Capiz – Patay ang isa ka ginang matapos ini ang ginapahayag nga nalumos sa Barangay Pangpang Sur, Mambusao, Capiz matapos nga nahulog sa irigasyon ang ginamaneho sini nga motorsiklo.
Ginkilala ang biktima kay Mary Jane Lajo sang Barangay Maralag, Mambusao, Capiz nga nag-angkon sang gaub sa nawong nga ginapatihan nabunggo kongkreto nga amo ang kabangdanan sang iya nga pagkalumos.
Base sa imbestigasyon sang mga kapulisan, pauli na ang amu nga biktima halin sa iya mga himata agud kuntani imbitahon para sa kasal sang anak sini sang nadulaan siya sang kontrol sa ginamaneho nga motor kag ini ang nahulog sa irigasyon.
Nagdugay pa sang pila ka oras antes nakit-an ang lawas sang nasambitan nga biktima.
Gindangat ini sa ospital apang gindeklarar nga dead-on-arrival.
