![LUMOS](https://i0.wp.com/rmn.ph/wp-content/uploads/2018/04/LUMOS.jpg?resize=485%2C303&ssl=1)
Wala makalab-ot nga buhi sa ospital ang walo ka tuig nga bata nga lalaki matapos nalumos sang nagpaligo sa pool sa inland resort sa Brgy. Tubang , Maasin Iloilo kahapon sang aga.
Ginpahayag ni Senior Inspector Felix Alianza Jr, hepe sang Maasin PNP, wala natalupangdan sang life guard kag sang mga kaupod ni alyas Toto nga nagkadto ini sa adult pool kag didto nalumos.
Una diri, nga nagpaligo ang bata upod ang iya mga pakaisa sa kiddie pool apang lipod sa ihibalo sang kaupdanan sini, nagsaylo si alyas Toto sa adult pool nga may kadalumon nga tatlo tubtub apat ka tapak.
Bangud sini, nalumos ang biktima kag dali-dali nga gindala sa ospital apang gindeklarar nga dead on arrival.
Facebook Comments