Ang kapulisan sa Mutia ug sa PPSC nagpahigayon ug buy bust operation didto sa brgy Diolen, lungsod sa Mutia batok kang Elmer Caling Culanag, hingkod ang pangidaron, molupyo sa Mitimos, lungsod sa Rizal.
Sa gihimong operasyon, usa ka pulis ang nagpaka aron ingnong buyer apan nakamatikod ang suspek hinungdan nga milanit kini sa iyang armas nga anaa sa iyang hawak dayong pusil ngadto sa otoridad, swerte usab nga nakalikay kini sa pagpusil sa suspek.
Dali usab nga miresponde ang mga kauban nga pulis ug mibalos sa pagpa buto ngadto sa suspek, hinungdan nga nakaangkon ug samad pinusilan ang supek sa iyang lawas. Samtang ang kauban ani nga wala maila, Dali nga miikyas sakay sa iyang motorsiklo.
Human sa panghitabo dali nga gidala ang suspek ngadto sa Piñan district hospital, apan gideklara kining dead on arrival.
Nakuha usab ang usa ka 9mm nga pistola, duha ka buhing bala, upat ka gagmayng pakete nga adunay sulod nga gituohang shabu, lakip na ang 500 nga mark money, ug mga identification card.
Ang patayng lawas sa suspek ge turn over gilayon sa iyang mga kabanay.
