GENERAL SANTOS CITY- Mimarka na sa 20 ang ihap sa mga nangamatay nga Patient Under Investigation kon PUI sa Socsksargen region base sa latest situation report sa Department of Health – Center for Health Development Region 12 gahapong adlawa (April 14, 2020).
Base sa gipagawas nga datus sa DOH-CHD 12, tulo ang nadugang nga namatay sa ilahang listahan gilangkuban sa lalake ug duha ka babaye nga gikan og South Cotabato ug General Santos City.
Sa talaan, dungan namatay sa South Cotabato niadtong April 8, 2020 ang 30 anyos nga lalake ug ang 65 anyos babaye nga parehong adunay pneumonia.
Parehong negative usab ang specimen result sa duha sa coronavirus disease.
Samtang gahapong adlawa (April 14, 2020) namatay ang 68 anyos nga babaye sa Gensan nga adunay Tuberculosis.
Pending usab ang specimen test sa maong pasyente batok sa coronavirus disease.
Kahibaw-an nga niaging lima ka adlaw walay bag-ong kaso sa coronavirus disease nga natala sa rehiyon sumala kang Arjhon Gangoso, tigpamaba sa DOH-12 gikan Abril 09 hangtud 13, 2020.
Gawas pa kini sa upat ka pasyente sa COVID-19 nga naka-rekober na sa region-12.
Dugang ni Gangoso, dako og tabang ang gipatuman nga Enhanced Community Quarantine sa matag probinsiya, siyudad ug munisipalidad. Lakip na ang gihimong early detection ug isolation of cases aron mapugngan ang local transmission.
For more info’s and updates, like and share our official facebook account : www.facebook.com/ifm91.9Gensanofficial/
[image: namatay na pui.jpg]
