MURCIA, NEGROS OCCIDENTAL – Gin-inquest na ang kaso batuk sa isa sa duha ka mga suspek nga ginaalegar naghimulos sa duha ka 14-anyos nga mga dalagita na nadakpan sang mga katapo sang Murcia Police Station.
Suno kay Murcia PNP Chief, PCI Rodolfo Endiape nga gin-inquest na ang kaso batuk 19 anyos nga suspek.
Ini angut sa ginaalegar pagpanglugos sa duha ka mga menor de edad nga kababaenhan sadtong nagligad nga Miyerkules, April 25 may mg alas 3 sang kaagahon sa banwa sang Murcia.
Ginpahayag sang pulis nga gintayaan sang kutsilyo sang amo nga mga suspek ang 14-anyos nga mga biktima antes ini sila ginhimuslan.
Base sa imbestigasyon nagapakita nga ang mga biktima ang nagkadto sa baylihan bangud piesta sa barangay kag didto ila nakita ang mga suspek nga kilala man lamang nila.
Nahibaluan nga nag-upod ang mga biktima sa mga suspek sa balay sini kag didto sila nag-inom inom kon diin natabo ang ginaalegar paghimulos sang ang mga biktima ang buot na kuntani nga magpauli./dyHB BACOLOD
