Tagdakop sa kapolisan sa syudad an isa ka EDWARD DINGGAL 36 anyos taga San Jose , Dinagat Province tungod sa reklamo nan ija ra isab kapuyo sanan nanay sa 6 anyos na bata na taga SanJose Dinagat Province. Sumaya pa sa nakuha na impormasyon nan RMN Surigao gikan sa mga otoridad na nagdakop sa pagpanguyo ni Intel Officer Wise Vicente Panuelos na kagaina ala una y media sa hapon nadakpan nila an suspetsado na si Dinggal didto sa Barangay Silop inin syudad. Si Dinggal nag atubang sa kasong pagmolestiya sa sais anyos na anak nan ija katibo didto sa Dinagat. Sa pakighinabi nan RMN sa suspetsado ini miangkon na ija tagmolestiya an bata tungod kay sila lamang an nabilin sa ila panimayay jadto na higayona.Sa pagkakuman an suspetsado gipriso na sanan giandam na an tukmang kaso na ipasaka batok sa ija.( RadyoMaN Jerson Fuentes)
