General Santos City–Dako ang pagpasalamat ni Police Brig. Gen. Michael John Dubria, Regional Director sa Police Regional Office 12 sa lima ka mga patrol car nga gihatag sa Kampo Crame.
Sumala niya nga pito ang naunang saad nga ihatag sa Rehiyon 12, ug sa karon, ilaha pang ginapa-abot ang duha ka mga sakyanan. Apan nauna na matud pa niyang gipang-apod apod ang lima ka mga patrol car aron nga hingpit ng magamit sa mga Police Station.
Dugang pamahayag ni Police Brig. Gen. Dubria nga gawas sa mga patrol car, aduna usab gipanghatag nga mga bag-ong Pistola, Bullet Proof Vest ug eye shield.
Samtang gi-angkon niini, nga sa karon, labing gikinahanglan sa kapulisan sa Rehiyon mao ang mga Patrol Cars nga 4×4 gumikan kasagaran sa mga gina-respondihan sa kapulisan ang anaa sa kabukiran.(LVR) Aa
