BACOLOD CITY – Ginpadakup sang gwardiya sang Provincial Capitol Lagoon ang isa ka lalaki matapos nga ini siya ang nadakpan sa akto nga nagapamunit sang tilapia sa lagoon kagab-i.
Nakilala ang amo nga lalaki nga si Ryan Balquin, 34 anyos ang edad, soltero kag pumuluyo sang Ramylu Village, Brgy. Tangub, Bacolod City.
Si Balquin ang ginreklamo mismo sang security guard nga assigned sa lagoon nga si Arnold Sablon, 41 anyos ang edad kag pumuluyo sang Puentebella, Brgy. Tangub sining ciudad sang Bacolod.
Suno sa gwariya may mga las 7 kagab-i, iya na caught in the act ukon akto nga nadakpan nga nagapamunit sang tilapia ang suspek nga si Ryan.
Bangud sini, gilayon nga nagtawag sang pulis sa Station 2 ang gwardiya kag ginpadakup ang amo nga lalaki.
Nakuha sa possession sang suspek ang 6 tanan ka isda nga tilapia kag isa ka fishing rod ukon bunit./
