General Santos City—Samdan ang usa ka Alexander Terante, legal age, residenti ning dakbayan human nga gidunggab sa wala mailhing suspek.
Nasayran nga human namyesta, mouli na unta ang biktima sa ilang panimalay apan samtang kini nagbantay ug tricycle nga iyang sakyan kalit kining giduol sa wala mailhing suspek dayon gidunggab, gisundan pa kini sa paghandos sa suspek gamit ang kutsilyo igo sa iyang abaga ug sa iyang tuhod nga bahin.
Misibat gilayon ang mga suspek samtang ang biktima gilayong gidala sa ospital.
Sa pagsuwat ning balita wala pa nakapablotter ang biktima ngadto sa kapulisan.
Facebook Comments
