Gikan naglaag sa Fiesta-gibunalan ug bato

General Santos City—Angol ang usa ka Roger Topas, trabahante sa Mall nga taga Barangay Mabuhay, GenSan, human nga gihapak ug bato sa wala mailhing suspetsado.

Nasayran nga namyesta ang biktima uban sa iyang uyab sa Barangay Bula, pauli na unta sila sakay sa motorsiklo apan pag-abot sa Zone 9, duna silay naagian nga mga tawo sa lugar diin gibugal bugalan matud pa sila.

Gumikan sa kalagot minaog sa iyang motorsiklo ang biktima dayon gisita ang mga nagbugal-bugal kanila.


Dinhi na nahitabo ang kumusyon diin biktima nabunalan ug bato sa iyang ulo partikular sa taas nga bahin sa iyang kilay.

Gilayon usab nga gidala sa ospital ang biktima gumikan sa samad nga naangkon niini.

Facebook Comments