TALISAY CITY, NEGROS OCCIDENTAL – Isa ka soltero ang ginbuno sang iya man lamang pakaisa kagab-i sa ciudad sang Talisay.
Nakilala ang biktima nga si Virgel Solis, 24 anyos ang edad, pumuluyo sang Hacienda Vista Uno, Brgy. Matab-ang, Talisay City.
Suno sa biktima nga natabo ang insidente may mga las 7:20 kagab-i sa ila man lamang lugar kon diin nagkadto ini sa higad sang suba agud nga magpangkuha kuntani sang tangkong.
Apang sang ara na sa amo nga lugar, ini siya ang ginpay-pay sang iya wala ginhingadlan nga pakaisa kag hinali na lamang nga ginbuno.
Naigo ang biktima sa iya wala nga kamot gani dali-dali ini nga gindala sa Corazon Locsin Montelibano Memorial Regional Hospital./dyHB BACOLOD
Facebook Comments
