Angeles, Pampanga – Nakaraos sa panganganak ang isang bilanggong buntis matapos na pagtulungan ng dalawang pulis ang kanyang panganganak sa loob ng custodial facility ng Angeles City Police Office.
Ayon kay Police Senior Supt Fe Greñas ang tagapagsalita ng PNP region 3 bigla na lamang nananakit ang tsyan ang buntis na si Jessiebel Abaño, isang byuda, 33-anyos, residente ng Barangay San Roque, La Paz, Tarlac kaya hindi nagdalawang isip ang dalawang pulis na tulungan itong manganak.
Pinagtulungan nina SPO4 Evelyn Pineda, ng PNP Wowen Children Protection Division at PO1 Roosevelt Masiclat, isang rehistradong nurse ang panganganak ni Abaño habang hinihintay ang pagdating ng ambulansya.
Kapwa ligtas ang ina at ang sanggol nang makarating ang mga ito sa Rafael Lazatin Memorial Medical Center.
Nakakulong ito si Abano sa Angeles City Police Station dahil sa kasong pagnanakaw.
