Davao City – Balhog sa selda sa Sta.Ana Pnp ang usa ka laborer human sikopa gumikan sa iyang pagpangatake sa duha ka sex commercial workers 12:00 kaganinang kadlawon.
Giila ang dinakpan nga mao si Salahuddin Rinabor, 34 anyos, laborer ug nagpuyo sa Isla Verde Barangay 23-C ning siyudad.
Nasayran nga lango sa binong makahubog ang suspek dihang iyang giatake ang duha ka sex workers nga giilang sila alyas Gloria ug Jane sa may dalang Camus ning syudad sa walay igong hinungdan.
Suma pa nga gipakaulawan ug buot pa unta bunalan sa suspek ang duha ka biktima gamit ang kadena diin ang iyang pagpanghasi nakatugaw sa mga lumulupyo sa maong lugar.
Apan maayo na lamang nga nagpatrolya sa dapit ang kapulisan hinungdan gidakop si Rinabor ug gipaslak sa presohan diin ang kaso giduso na karon sa General Investigation Section sa presinto uno.
RadyoMan Don Pulayao
