BACOLOD CITY – Isa ka lalaki ang ginlabo sa isa ka ilimnan bangud sang hinubog nga istorya kagab-i sa Brgy. Singcang Airport, diri sa ciudad sang Bacolod.
Nakilala ang biktima nga si John Salimbot, 35 anyos, kasado kag pumuluyo sang Purok Sigay, Magsungay, Brgy. Singcang Aiport, Bacolod City.
Suno sa biktima nga natabo ang insidente may mg alas 11 kagab-i sa isa ka ilimnan sa ila man lamang lugar.
Siling ni John nga sang ini sila ang naga-inom inom sang iya grupo, nagbayluhanay sila sang mga istorya nga indi amo sang suspek tubtub nga nagresulta sang mainit nga paglalisay.
Apang nakibot siya suno sa biktima sang hinali na lamang ini nga ginlabo sang suspek kag naigo sa iya tuo nga kamot.
Gindala sa Corazon Locsin Montelibano Memorial Regional Hospital ang biktima kag padayon karon nga nagapa-ayo./dyHB BACOLOD
