General Santos City–Posible matud pa ng myembro sa usa ka organisadong grupo sa mga kawatan ang suspect nga napatay sa Police Station 3 atol sa ilahang gihimong operasyon kagahapon sa kaadlawon human nga misukol kini sa kapulisan samtang anaa kini sa atop sa usa ka parmasya sa Barangay Lagao nga nahimutang sa San Pedro street, Barangay Lagao ning syadad.
Sumala pa ni PCI Pinalgan nga sa karon wala pa silay kongkreto nga ebidensya sa maong aligasyon apan kung basihan matud pa ang pamaagi sa pagpangawat sa suspect parehas kini sa natalang una nang pagpangawat sa area sa Police Station 3 kung asa pharmacy gihapon ang gisulod ug miagi ang suspect sa atop nga bahin sa establisyemento.
Samtang posible usab nga anad na sa maong mudus ang mga suspect tungod sa mga narekober nga mga himan gikan sa iyang posisyon. Nasayran nga gawas sa kalibre 45 nga armas nakuhaan usab kini ug plies, pisi, vault cutter ug uban pa.
Sa kasamtangan padayon pang ginasuta sa Police Station 3 ang ilhanan sa namatay nga suspect human nga walay bisan usa ka dukumento ang nakuha sa iyang lawas ug padayon usab nga giimbistigahan kung unsa nga grupo ang gikalambigitan niini. (Dave Silagan)
(Photo Credit to PRO-12)
