Gikompirmar sa kapolisan dinhi sa Central Visayas nga tawo og protektor sa napatay nga druglord nga si Jeffrey Diaz alyas “Jaguar” ang pulis nga napatay kagabii sa Barangay Tipolo sa dakbayan sa Mandaue.
Si Police Senior Inspector Raymund Hortezuela napu ka adlaw pa lang nga nireport sa bag-o niyang assignment sa kapolisan sa Negros Oriental , human siya ibalhin gikan sa assignment niini nga deputy chief sa Guadalupe Police Station sa dakbayan sa Sugbu .
Matud ni Police Regional Office -7 Director , Chief Supt . Debold Sinas, usa ka tuig na nilang gipanid-an si Hortezuela human nigawas ang pangan niini nga nalambigit ngadto sa grupo ni Jaguar.
Gihulagway ni Sinas nga idlas kaayo si Hortezuela ug gani kanunay kini nga magnegatibo sa drugtest sa PNP.
Si Hortezuela giingong nisukol sa mga operatiba sa Counter Intelligence Task Force ug Regional Intelligence Division sa PNP atol sa buy-bust operation hinungdan nga kini napatay kagabii.
