General Santos City—Sikop ang usa ka babaye ug gikaingong kaubanan niini atol sa gihimong buybust operation sa Police Station 7 niadtong nakalabayng adlaw.
Suspek giilang silang si Lisa Mocam, 40 anyos, minyo nga taga Kiblawan, Davao del Sur; ug Jeremy Bores, 30 anyos nga taga Polomolok, South Cotabato.
Nasikop ang mga nasangpit alas 2:15 ag takna sa hapon sa may Fil-am Road, Barangay Fatima Gensan human napalitan ug marijuana gamit ang P1,000.00 nga marked money.
Narekober gikan sa posisyon sa mga nasangpit ang usa ka supot nga marijuana ug laing usa pa ka potos nga gibalot ug news paper.
Kasong kalapasan sa RA 9165 ang gikatakdang atubangon sa duha ka mga suspetsadong dinakpan kansa balhog karon sa silda sa Police Station 7.
Facebook Comments
