Napatay sa RPDEU sa buy-bust miyembo sa gun for hire?

88

General Santos City—gawas sa pagpamaligya ug iligal nga droga posible matud pa nga usa ka myembro sa gun for hire ang suspect nga si Bryan Cortado, legal age, nga taga Barangay Bula, Gensan kansa napatay sa gipahigayon nga operasyon sa Regional Police Drug Enforcement Unit-12 niadtong milabay nga adlaw human nga misukol matud pa kini sa operatiba.

Sumala pa ni PSI Brent Ian Salazar, ang Deputy sa RPDEU nga basi matud pa sa ilahang mga confidential informant posibleng nag lambigit usab ang suspect sa Pag Pamusil Patay sa syudad, hinungdan nga mas gipalawman pa nila ang ilahang ginahimong imbistigasyon human nga daghan usab nga nakuhang ID sa sakyanan sa nasangpit nga dunay klase klasing mga pangalan nga gina gamit sa suspect.

Sa karon dili pa masuta sa RPDEU kung unsa nga grupo ang gikalambigitan niini ug kung aduna pa kiniy mga kaubanan sa pagpamaligya ug iligal nga droga. Nasayran nga ang suspect ang number 1 sa tartget list sa RPDEU ug lakip sa ilahang mga high value target nga dinagko mamaligya ug iligal nga droga.

Kung kahinumduman nga kanhi na usab nga napreso ang suspect tungod sa kaso gihapon nga pag hupot ug iligal nga droga human nga gisulod sa kapulisan ang panimalay niini niadtong milabay nga tuig 2015. (Dave Silagan)

Facebook Comments