General Santos City–Gipahimangnuan ni Napolcom commissioner Ret. M/GEN Felizardo Serapio Jr. ang kapulisan nga magbatay sa mga sudlan nga mga investment scheme nga nangawas karon aron nga dili mabiktima sa mga scam.
Sumala pa niini nga daghan na kinig nadungog nga mga reports nga adunay pulis nga nag-invest sa ilahang kwarta sa nagkadaiyang investment scheme nga naga saad ug dagkong interest.
Dugang pa niini nga daghan matud pa nga mga pulis ang na-enganyu nga mo-apil niini tungod kay anaay uban nilang mga kaubanan nga nakadawat nga hinungdan nga pipila kanila ang misugal diin ang ubang nag investi gikan pa sa loan ang ilang kwartang ibubo sa maong investment Sheme.
Alang kang Serapio, maayo lang kung muluntad ug dugay ang maong scheme apan kung mahagba, masayang gyud ang kwarta sa mga nasampit.
Tungod niini pahimangno ni Serapio ngadto sa mga Police nga dapat sutaon pag-ayo ang sudlang investment Scheme aron nga dili masayang ang ilang kwarta.
Dapat usab mag hinay-hinay ug dili basta-basta mu tuo sa mga saad nga daw sa imposible nga mahitabo. (Dave Silagan)
