Napulo ka unit sa coaster bus nga gipanag-iyahan ni Dondon Ellarina ang tag-iya sa Donsal Express ang ipadagan nga bag-ong sakyanan sa Misamis Oriental.
Kini alayon sa gihimong launching sa PUV Modernization program sa Land Transportation Franchising and Regulatory Board kon LTFRB ug Department of Transportation.
Matud ni Ellarina- nga 35 ka unit sa coaster bus ang iyang gi order sa Toyota Philippines apan napulo lang niini ang miabot.
Dugang pa ni Ellarina, nga kini nga unit, original ug gi-assemble sa Japan. Nasayran nga adunay mga bag-ong sakyanan nga sa china gi-assemble, apan ang Donsal express milantaw sa pinakaubos nga maintenance, ug panahon nga madaut, adunay pisa nga automatic nga mapalit sa Toyota.
Kini nga klase sa sakyanan lig-on, pinaka high tech, automatic ang pultahan kung adunay mosaka ug monaog nga pasahero, adunay cctv, naka-gps, ug naka-wifi.
Samtang dako ang pasalamat ni Ellarina sa LTFRB ug DOTr nga maoy naningkamot sa tanan aron mapahigayon ang launching sa mga bag-ong sakyanan.
Nasayran nga ugmang adlawa, sugdan na sa pagpadagan ni Ellarina ang napulo niya ka coaster bus tungod kay moagi pa kini sa inspection.
