Gipresentar sa Provincial Tourism Office Department uban sa Sterling Events Corporation ang napulo ka mga lalakeng moapil sa male national pageant nga Misters of Filipinas.
Ang maong pageant gi-organisar sa Prime Events Production Philippines Foundation Inc. nga dunay temang “Celebrating Masculinity with Responsibility”.
Ang Misters of Filipinas-Misamis Oriental dunay upat ka adbokasiya nga gilangkoban sa Healthy lifestyle, Environmental Protection, Education and life Skills ug Digital Tourism.
Alayon niini, nanawagan si Atty Jeffrey Saclot, ang provincial tourism officer sa katawhan nga suportahan ang nasangpit nga pageant.
Ang swimwear competition himoon sa Mayo 17 sa Country Village Hotel Pool area ug ang coronation night himoon sa Mayo 22 sa Limketkai Hotel Ballroom 2nd floor.
Samtang, sa tanang gustong magpa-reserve og ticket, mamahimo lang motawag sa Sterling Events Corporation pinaagi sa 0906-227-1576 o sa Provincial tourism office sa 0917-773-8108.
